Бу көнне Мөслимдә

31 октябрь. Мөслимлеләр өстәленә

Соңгы вакытта районыбыз авылларында һәм поселокта карп балыклары белән сәүдә барды. Аны мөслимлеләр өстәленә К.Маркс исемендәге, Куйбышев исемендәге һәм Киров исемендәге колхозлар бирде. Без карп маймычларын сугару буасына өч ел элек Воткинскидан ук кайтартып җибәргән идек. Бу чорда алар эре-эре балыкларга әверелде. Күптән түгел буаның суын җибәреп, 25 центнер диярлек карп тоттык. Аны ике көн дәвамында үзебезнең колхозчыларга да, “Трудовик” тәҗрибә-җитештерү хуҗалыгы һәм “Михайловка” совхозы авылларында да саттык.

Фото – Мөслим-информ архивыннан