Бу көнне Мөслимдә

24 октябрь. Алар өлеше

Калинин исемендәге колхозда тәҗрибәле, мактаулы терлекчеләр шактый. Алар арасында А. Хәкимова, С.Мусин, Н. Шәмсиев тә бар. Бу уңганнар узган айда үзләре тәрбияләгән симертү группасы терлекләреннән 915әр грамм тәүлеклек үсеш алдылар. Алар ел башыннан хәзерләүләр пунктына 215 центнер ит озаттылар. Бу – колхоз хәзерләгән продукциянең 20 проценты, дигән сүз. Алар җибәргән үгезләрнең уртача авырлыгы 410 килограмм тәшкил итте.

З. Хәйбрахманова

Фото - Мөслим-информ архивыннан