Бу көнне Мөслимдә!

14 сентябрь. Бишьеллыкны – дүрт елда!
КПССның XXVII съезды карарларын һәм илебезнең Азык-төлек программасын тормышка ашыра барып, “Правда” колхозы дәүләткә уникенче бишьеллык планындагы 99.900 урынына 102.100 центнер шикәр чөгендере тапшырып, бу төр продукция хәзерләүнең бишьеллык планын 102,2 процентка үтәде. Татлы тамырны чәчеп, тәрбияләп һәм җыеп алуда аренда звеносы җитәкчеләре Т. Гайсин, С. Фәхретдинов, членнары Ф. Зарипов, Д. Шакирҗанов иптәшләр зур тырышлык куеп эшлиләр. Татлы тамырны планнан тыш сату дәвам итә.
З. Солтанов, колхоз председателе.