Бу көнне Мөслимдә

Җаваплы караш Башка елларга караганда, быел индивидуаль сектордан сөт хәзерләүне үрнәк оештырдык. Эш Ольгино һәм Метрәй авылларында аеруча уңышлы бара. Район Советы депутаты В. Лапшина, З.Шәехова иптәшләрнең тырышлыгы нәтиҗәсендә узган җиде айда сыер асраган һәр хуҗалыктан уртача 577шәр килограмм сөт хәзерләнде. Барысы 929 центнер тәшкил итә. Гомуми уңышта үз хуҗалыгыннан 1700-1000әр килограмм продукция сатып биргән Ә. Галиев, Г.Исхаков, Г. Хәйбрахманов, И.Солтанов, Ә. Дәүләтшин иптәшләрнең өлеше зур.

М. Саматова, Метрәй авыл советы башкарма комитеты председателе.