Көзен нинди агачлар утыртырга?

Алмагач та шундый ук үзенчәлеккә ия. Бу агачларны көздән утыртуның өстенлеге – алар, язга кадәр җиргә ияләшеп, тамыр системасын ныгытып кала.

Слива агачлары да көз көннәрендә утыртыла. Җимеш агачларын алдан яхшылап әзерләнгән туфракка утыртырга кирәк. Ашлама керткәндә аны алдагы җиде елга исәпләп салалар. Туклыклы матдәләр җитмәсә, агач начар үсәр яисә җимешләрен саран бирер.

Башлы суган алыр өчен вак суган чәчү 
Сөенчекнең диаметры якынча – 1-2 см, ләкин көздән чәчәр өчен иң вагын – 0,8-10 миллиметрлысын алырга кирәк. Ни өчен иң вак суганны сайларга кирәк дигәндә, вак орлыкның чәчәк “уклары” юк, ә сабаклары кечкенә һәм зәгыйфь була. Ләкин июнь башында ук сез өлгергән башлы суган җыеп алырсыз. Суганны төпләр арасында – 4-5 см, ә түтәлләр арасында 12 см ара калдырып утырталар.

Көздән утырта торган чәчәкләр 
Бакчачыларның күбесе көздән чәчәкләр дә утыртып калдыра. Шулай итсәң, язын көннәр җылытуга ук беренче чәчәкләр бакчага ямь бирә башлый. Күпләр суганчадан үсә торган чәчкәләрне кулайрак күрә: нәркис, лалә, крокус һәм пушкинияләр утырта. Кышка кергәнче утыртып калдырырга пион, ирис, флокс та әйбәт. Лилияләрнең өстен туфракка туң төшәр алдыннан берәр әйбер белән каплап кую яхшы.

Чулпан Мингазетдинова фотосы.