Республика көне уңаеннан Гүзәл Уразова Мөслимгә килде

Республика көне уңаеннан Татарстанның атказанган һәм халык артисты Гүзәл Уразова Мөслимгә килде. Бу минутларда танылган җырчының концерты бара. Бәйрәм чарасы Сабантуй мәйданында үткәрелә.

Район Башлыгы Альберт Хуҗин бу көннең һәрберебез өчен мөһим булуын ассызыклап, бәйрәм тәбрикләвен җиткерде.

Чарада бертөркем райондашыбыз хөрмәтләнде:
– "Яшьлек" спорткомплексы укытучы-тренеры Илфат Хафизов "ТРның атказанган физик культура хезмәткәре" исеменә лаек булды;
– балалар сәнгать мәктәбе укытучысы Рәилә Әхмәтгалиева "ТР атказанган мәдәният хезмәткәре" исеменә лаек булды;
– район үзәк хастаханәсенең гомуми практика табибы Рамил Морзахановка ТР Рәисенең Рәхмәте белдерелде;
– район Башкарма комитетының кадрлар бүлеге җитәкчесе Ландыш Әхмәдуллинага ТР Дәүләт Советы Рәисенең Рәхмәт хаты тапшырылды;
– "Яшьлек" спорт мәктәбе укытучы-тренеры Дамир Шәйхетдиновка "ТРнда физик культура һәм спортны үстерүдә казанышлары өчен" мактау билгесе тапшырылды;
– "Аргамак" ат спорты мәктәбе җитәкчесе Фазаел Вәлиев "ТРның физик культура һәм спорт отличнигы" билгесенә ия булды;
– "Яшьлек" спорт мәктәбе укытучы-тренеры Фәрхәд Хабибуллинга "ТРның физик культура һәм спорт отличнигы" билгесе тапшырылды.

Рәмилә Сәләмова фотолары