Балалар өчен бәйрәм үткәреләчәк

Корбан бәйрәме өлкәннәрнең генә түгел, балаларның да көтеп алынган бәйрәме. 28 июнь көнне 14.00 сәгатьтә "Кояшлы Ык" ял зонасының кече амфитеатрында балалар өчен бәйрәм оештырыла. Администрациянең актлар залында узган җыелышта Расыйх хәзрәт Каюмов   бәйрәм программасы белән таныштырды. Җаваплы оешмаларга оештыру һәм үткәрү эшләре йөкләнде,  Җыелышны Башкарма комитет җитәкчесенең социаль мәсьәләләр буенча урынбасары Марина /Бәдретдинова алып барды.

Наилә Сәлахова фотосы