Баек авылында бәйрәм узды (Фоторепортаж)

Кичә Баек авылында Ватанны саклаучылар көне уңаеннан бәйрәм чарасы узды. 

Анда мөслимлеләр белән чиктәш Башкортстан Республикасы районнары кунаклары да катнашты. Район башлыгы Альберт Хуҗин бәйрәмдә катнашучыларга җылы теләкләрен җиткерде. 

Балалар өчен тау шуу, җигүле атларда йөрү бәйрәмнең иң күңелле мизгелләре булгандыр. Өлкәннәр аркан тартты, итек киеп йөгерде. Итек белән футбол уйнау ике җенес вәкилләренә дә бик ошады. Уенда катнашкан бер генә кеше дә бүләксез калмады. 

Чарада катнашучылар самовар чәе, тәм-томнар, шашлык белән сыйланды.

Лилия Шәймиева фотолары