«Туган як» агрофирмасында яңа бодай һәм көнбагыш сортлары: югары уңышлы һәм тәмле гибридлар

"Туган як" агрофирмасының тәҗрибә мәйданчыкларында көнбагыш һәм язгы бодайның яңа линияләрен чәчү бара. Әлеге хакта хуҗалык җитәкчесе Раил Җиһангиров үзенең шәхси сәхифәсендә язып чыккан.

Агрофирма татар авыл хуҗалыгы фәнни-тикшеренү институты белән хезмәттәшлек итә. Басуларда бодайның уникаль үзлекләргә ия булган, генетик яктан камилләштерелгән яңа линиясе чыгарыла. Ул тәмле дә, шул ук вакытта файдалы да булган яңа төрдәге икмәкнең нигезен тәшкил итәчәк. Төп максат - югары уңыш бирә торган, оптималь җилемсәле һәм икмәк пешерү өчен тәмле булган яңа сорт бодай алу.

Быел көнбагышның да төрле селекциягә караган 24 гибридында тәҗрибә үткәрелә. Шулар арасыннан безнең басуларда үстерергә яраклы һәм тәм үзлекләре канәгатьләндергән көнбагыш сортлары сайлап алына.

Фотолар - Раил Җиһангировның шәхси сәхифәсеннән.