Тәҗрибә уртаклаштылар

Казчылык өлкәсендә тәҗрибә уртаклашу максатыннан районга Татарстан Республикасы Рестораторлар һәм отельерлар ассоциациясе президенты Зөфәр Гаязов килде.

Эшлекле сәфәрнең төп темасы каз продукциясен һәм инкубатор җитештерүен үстерү перспективалары турында фикер алышу булды. Очрашу кысаларында катнашучылар тармакның актуаль мәсьәләләре турында сөйләштеләр, иң яхшы эш тәҗрибәләре белән уртаклаштылар һәм киләчәктә югары сыйфатлы продукция сатуга юнәлдерелгән хезмәттәшлеккә планнар билгеләделәр, диелә район авыл хуҗалыгы һәм азык-төлек идарәсеннән алынган хәбәрдә.

Фотолар - район авыл хуҗалыгы һәм азык-төлек идарәсеннән.