Бусагада – язгы чәчү

Киңәшмәдә район авыл хуҗалыгы идарәсе белгечләре, агрофирмалар һәм фермер хуҗалыгы җитәкчеләре һәм агрономнары катнашты. Киңәшмәне район башлыгы Альберт Хуҗин алып барды. 
– Авыл хуҗалыгы өчен иң җаваплы чор – язгы кыр эшләре алдыннан сезнең белән очрашырга булдык. Вәзгыять гади түгел, бәяләр арта. “Август-Агро” компаниясенең, “Туган як” агрофирмасының кызыклы тәкъдимнәре бар. Бер җирлектә яшәгәч, бердәм булып, бер коллектив булып эшләргә бурычлыбыз. Язгы кыр эшләре – бик җаваплы һәм зур хезмәт сорый торган чор. Шуңа бу чорда барыбыздан да оешканлык, төгәллек, тынгысыз хезмәт таләп ителә. Бүгенге киңәшмәдә һәрберегез үзегезгә файдалы һәм кирәкле мәгълүмат алырсыз, дип ышанам, – диде район башлыгы. 
Район авыл хуҗалыгы идарәсе җитәкчесе Ренат Вәлиев язгы кыр эшләренә әзерлек, эш планы белән таныштырды, район хуҗалыкларының әзерлеген яхшы дип бәяләде.
– Быел районда чәчүлек җирләре 73600 гектар тәшкил итәр, дип көтелә. Бөртекле культуралар биләгән мәйдан, узган ел белән чагыштырганда, 13 мең гектарга кими, әлеге хисапка техник культуралар мәйданы арта, – диде Р.Вәлиев. – Чәчү структурасына килгәндә, быел чәчүлек мәйданның 39200 гектарын бөртекле һәм кузаклы культуралар биләячәк, шуның 9700 гектарында көзге культуралар чәчелгән, 29500 гектарны язгы культуралар тәшкил итәчәк. Техник культуралар 26600 гектарда үстереләчәк. Рапс – 7600 гектарны, шикәр чөгендере – 2600, көнбагыш 15200 гектар мәйдан биләячәк. Киндер быел 615 гектарны тәшкил итәчәк, соя 438 гектарда игеләчәк. Терлек азыгы культуралары 7800 гектар мәйданны тәшкил итәчәк.

ТУЛЫРАК "АВЫЛ УТЛАРЫ" ГАЗЕТАСЫННАН УКЫГЫЗ.

Фото - район хакимиятенең матбугат хезмәте архивыннан.