Басуларда кыр эшләре кызганнан-кыза бара
Эш фронты зур булгач, хуҗалыклар һәр көннең кадерен белеп эшли. Язгы чәчүне ашкынып көтеп торучы җир уллары – механизаторларның да күңелләре көр.
Басуларда кыр эшләре кызганнан-кыза бара. "Намус" агрофирмасында дым каплаталар, көзге бодайны тукландыралар.
“Туган як” агрофирмасында 2 мең гектарда чәчелгән уҗым культураларына минераль ашлама кертүне төгәлләделәр. Быел агрофирмада ашламаны, һәр гектарга тәэсир итүче матдәдә исәпләгәндә, 100 килограмм исәбеннән туплаганнар.
– Язгы кыр эшләрен технологик срокларда башкарып чыгу максатында, агрегатларга икешәр механизатор беркетелде. Ашламасыз яхшы уңыш алып булмый. Без ел да минераль ашламалар туплауга тиешле игътибар бирәбез, – ди “Туган як” агрофирмасы җитәкчесе Раил Җиһангиров.
Туганяклылар районда беренчеләрдән булып тырмалау һәм дым каплату эшенә керештеләр.
Фотолар - район авыл хуҗалыгы һәм азык-төлек идарәсеннән.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев