Түрештә «Уен-фест» фестивале үткәрелде

Түреш авылының Харрас чишмәсе янында республикакүләм игълан ителгән "Уен-фест" бәйгесе кысаларында "Безнең яшьлек уеннары" дип аталган чара уздырылды. Чарада Яңа Карамалы, Иске Карамалы, Әмәкәй, Мәлләтамак авылы һәм Тукай районы Мерәс авылы активистлары катнашты. Үзешчәннәр кичке уен формасында оештырылган күңел ачу чарасында халкыбызның онытылып бара торган җырлы-биюле уеннарын тәкъдим иттеләр. Башкарма комитет җитәкчесенең  социаль мәсьәләләр буенча  урынбасары Марина Бәдретдинова : "Проектның максаты - әби-бабаларыбыздан калган  гореф-гадәтләрне, милли мирасыбызны  балаларга,  яшьләргә җиткерү, камилләштереп буыннан -буынга тапшыру", - диде.

Наилә Сәлахова фотолары