Рөстәм Миңнеханов Акдуска чип куйдырган һәм Татарстан халкын этләрен теркәргә чакыра

«Акдусның закон буенча кирәкле барлык документлары да бар. Ә сезнең йорт хайваннарыгызныкы бармы?» - дип яза Миңнеханов постында.

Ул шулай ук йорт хайваны хуҗасы булу – аның өчен һәрвакыт җаваплы булу дигән сүз, дип билгеләп үтте.

«Этегезне теркәргә онытмагыз!» - дип өнди республика җитәкчесе.

Исегезгә төшерик, Татарстанда этләрне мәҗбүри теркәү бара. Республикада яшәүчеләргә йорт хайваннарын теркәмәгән өчен штраф яный. Бу хакта «Татар-информ» сайты яза. 

Фото: Татарстан Рәисенең телеграм-каналы