Россиядә 1 майдан кайбер категориягә керүчеләрнең пенсиясе арта

1 майдан россиялеләрнең кайбер категорияләренә пенсияләр артачак. Бу пенсияләрне яңадан санауның планлы датасы. Ул очу экипажлары әгъзаларына, күмер сәнәгате хезмәткәрләренә һәм 80 яшь тулучыларга кагыла. Моннан тыш, бу айда 1нче төркем инвалидлык алучыларның теркәлгән түләүләре икеләтә арта.

Шулай ук Җиңү көненә Бөек Ватан сугышы ветераннары, тыл хезмәтчәннәре һәм башка категорияләргә керүчеләр 10 мең сум өстәмә түләү алачак.

Планлы индексацияләр Россиядә елына дүрт тапкыр уздырыла.

Фото - Татар-информ архивыннан