Пляжда су керү тыела

"Татарстан Республикасында Гигиена һәм эпидемиология үзәге" федераль бюджет сәламәтлек саклау учреждениесенең Яр Чаллы филиалы үткәргән су лаборатор тикшеренүләре нәтиҗәләреннән күренгәнчә, Мөслимнең Ык елгасы пляжында санитар-химик күрсәткечләр буенча гигиена нормативларының артуы ачыкланган. Бу исә куркынычсызлык күрсәткечләренә туры килми.

Халыкның санитар-эпидемиологик иминлеген тәэмин итү максатыннан, Мөслим пляжында су коенуны тыю турында аншлаглар урнаштырылды.

 Лилия Шәймиева фотолары.