Оешма-предприятие җитәкчеләре белән иртәнге киңәйтелгән киңәшмә узды

Район хакимиятенең актлар залында Альберт Хуҗин җитәкчелегендә оешма-предприятие җитәкчеләре белән иртәнге киңәйтелгән киңәшмә узды.Район башлыгы махсус хәрби операция зонасына сәфәрне оештырган, гуманитар ярдәмне туплауда катнашкан райондашларыбызга рәхмәтен белдерде, егетләрнең сәламнәрен һәм рәхмәт сүзләрен җиткерде. Шулай ук узган атналарда башкарылган эшләрне искә алды, алдагы атналарда янгын куркынычсызлыгын тәэмин итү, Бөек Ватан сугышында Җиңүнең 80 еллыгына әзерлек, урамнарда һәм мемориаль комплекста җыештыру эшләрен дәвам итү, контракт хезмәте буенча эшне алып бару кебек сорауларга игътибар итүне бурыч итеп куйды.Район эчке эшләр бүлеге җитәкчесе Альберт Шакиров оператив хәл белән таныштырды. Район Башкарма комитеты җитәкчесе Ирек Салихҗанов чисталык икеайлыгы кысаларында башкарыласы эшләр хакында сөйләде.Бүгенге киңәшмәдә урманнарны янгыннан саклау кебек мәсьәләгә зур игътибар бирелде. Бу хакта ТР урман хуҗалыгы министры урынбасары Рәис Гомәров һәм Минзәлә урманчылыгы җитәкчесе Айрат Минһаҗев сөйләде.

Фотолар район хакимиятенең матбугат хезмәтеннән