Беренче сыйныфка баручы балаларга бүләк ясадылар

2020 елдан бирле “ТАТМЕДИА” акционерлык җәмгыяте филиал хезмәткәрләренең беренче сыйныфка баручы балаларын мәктәп кирәк-яраклары белән сөендерә.

Мөслим-информда тиздән укучы статусына ия булачак бер бала бар. Ул – коллегабыз Лилия Шәймиеваның кызы Ралия.

Редакциябезгә чакырып, Ралияне без дә котладык, “ТАТМЕДИА” АҖ бүләкләрен тапшырдык. Җитәкчебез Римма Афзалова Ралиягә яхшы билгеләргә генә укып, әти-әнисен шатландырып торуын теләде.

Булачак беренче сыйныф укучыларының рюкзакларында иллюстрацияле әкиятләр җыентыгы, постер, шулай ук һәр укучыга кирәкле кирәк-яраклар – пластилин, төсле кәгазь, рәсем ясау өчен альбом, карандашлар бар.

Лилия Шәймиева, Рәмилә Сәләмова фотолары.