Актуаль
Бер атнада Татарстанда бензинның барлык маркалары кыйммәтләнде
14 октябрьдән 21 октябрьгә кадәр Татарстанда бензинның барлык маркалары, шулай ук дизель ягулыгының бәясе артты. Бу хакта Татарстанстат мәгълүматыннан билгеле булды.
АИ-92 маркалы бензин 1 тиенгә кыйммәтләнде, ягъни 1 литры 51,9 сум булды, АИ-95 2 тиенгә артты һәм 56,38 сум булды.
21 октябрьгә мәгълүматлар буенча, АИ-98 һәм аннан да югарырак маркалы бензинның бәясе 77,55 сум тәшкил иткән, бу бер атна элек булган күрсәткечләрдән 13 тиенгә артык.
Дизель ягулыгы 9 тиенгә , ягъни 62,37 сумга кадәр кыйммәтләнде.
Фото - Татар-информ архивыннан
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев