Тарих эзләре буйлап

Балалар зарыгып көтеп алган җәйге каникуллар азагына якынлаша. Җәй дәвамында музей хезмәткәрләре ял итүче балалар өчен кызыклы һәм мавыктыргыч чаралар тәкъдим иттеләр. Бүгенге көндә безнең төп бурычыбыз-балаларга үз телебездә сөйләшергә, халкыбыз гореф-гадәтләрен, йолалары белән таныштыру. Гореф-гадәтләр аша яшь буынны тәрбияләү-үтемле чараларның берсе.

Шул уңайдан, Лицейның 5 сыйныф укучылары өчен “Тарих эзләре буйлап” кызыклы программа үтте. Уен барышынды укучылар экспонатлар белән җентекләбрәк таныштылар, ата-бабаларыбызның яшәеше, көн-күреше, гореф-гадәтләре турында күп мәгълүмат алдылар. Элеккеге кораллар белән үзләре дә эшләп карадылар. 

Фото - Туган якны өйрәнү музее архивыннан