Мөслим-информ

Әюпова: Әгәр дә театрлар ачыла алмасалар, тамашачыларга алган билетлары өчен акча кайтарачаклар

Министр сентябрьдә «Алтын битлек» премиясе номинантлары һәм лауреатлары спектакльләрен күрсәтү сериясен анонслады.

Татарстан мәдәният министры Ирада Әюпова, әгәр дә театрлар бу көздә ачыла алмасалар, тамашачыларга алган билетлары өчен акча кайтарачаклар, дип вәгъдә итте. 
"Сентябрьгә билетларны 50% - ка сатабыз. Август ахырында кайбер спектакльләр куелмаса, бу очракта без тамашачыларга акчаны кайтарачакбыз", - диде ведомство башлыгы.
Әюпова билгеләп үткәнчә, театрлар өчен бюджеттан тыш керемнәр мөһим, аларның күбесе хезмәткәрләрнең хезмәт хакына бара. Әмма көзге куелышларга сатылган билетлардан кергән акча тотылмый.
Министр сентябрьдә «Алтын битлек» премиясе номинантлары һәм лауреатлары спектакльләрен күрсәтү сериясен анонслады. Вакыйга булуы, республикада эпидемиологик хәлгә бәйле булачак. Шулай ук финанслау мәсьәләсен дә хәл итәсе бар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: