ЮХИДИ хезмәткәрләре исерек килеш руль артына утыручыларга кешеләр ничек игътибар итүләрен тикшерде
Бу хакта узган юл хәрәкәте иминлеге комиссиясе утырышында ТР буенча эчке эшләр министрлыгының ЮХИДИ идарәсе башлыгы урынбасары Александр Разумнов хәбәр итте.
Узган атнада Казан үзәгендә театр актеры исерек шоферны сурәтләгән. Бер шешә сыра эчкән егет автомобиль руле артына утырырга маташкан.
"Эксперимент вакытында ике сәгать эчендә сигез кеше генә янәшәдә булган ЮХИДИ хезмәткәрләренә мөрәҗәгать иткән. Өчәү актерны үзләре туктатырга тырышты", - дип сөйләде ведомство башлыгы урынбасары.
Александр Разумнов татарстанлылардан уяу булырга һәм полиция хезмәткәрләренә исерек шоферлар турында кичекмәстән хәбәр итәргә кушты.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев