Яшьләр проект яклый

Яр Чаллыда коммерцияле булмаган оешмаларның “Социаль ярминкә-2018” республика хәйрия фестиваленең зона этабы узды. Чарада “Мизгел” яшьләр үзәге “Яшьләрнең РR агентлыгын үстерү” проектын тәкъдим итте. Аның җитәкчесе – үзәк белгече Нәзилә Әхәтова проектны яклап чыгыш ясады. Фестивальдә иганәче Фаит Шайрмурзин да катнашты. Ул, проектны хуплап, иганәче булырга теләген белдерде. Проектны чит районнардан партнерлар да яклаган һәм ярдәм кулы сузарга вәгъдә иткән. Проектка дүрт бизнес-партнер 350 мең сумлык инвестиция кертәчәк.