Мөслим-информ

Тәрбияле балалар үстерү максатында

Бүген гомуми белем бирү мәктәпләре сыйныф җитәкчеләре һәм мәктәпкәчә яшьтәге тәрбия бирү учреждениеләре тәрбиячеләренең район конференциясе үтте.

Бүген гомуми белем бирү мәктәпләре сыйныф җитәкчеләре һәм мәктәпкәчә яшьтәге тәрбия бирү учреждениеләре тәрбиячеләренең район конференциясе үтте. “Муниципаль мәгариф системасындагы проектларга грант ярдәме күрсәтү” темасын ачкан чараның секция утырышларында катнашучыларын Мөслимнең Г. Тукай исемендәге урта мәктәбе кабул итте. Секцияләрдә “Тәрбия сәгатьләре өчен иң яхшы кулланма”, мәктәптә, балалар бакчасында рухи-әхлакый тәрбия бирү өлкәсендә иң яхшы программа, “Туган телем – анам теле”, “Хезмәт тәрбиясе буенча иң яхшы мәйданчык” һәм башка  проектлар турында фикер алышу, нигезләмәләрне булдыру, критерийларны аныклау кебек эшләр башкарылды.   

Район мәдәният йортында үткән пленар өлештә чыгыш ясаучылар залда утыручылар игътибарына проект-программаларның юнәлешләрен, төп максатларын игълан иттеләр, көтелгән нәтиҗәләр белән таныштырдылар.

Конференция эшендә катнашкан район башлыгы Рамил Муллин, проектларның актуальлеген билгеләгән хәлдә, бүгенге көндә югары әхлаклы балалар тәрбияләүнең мөһимлеген ассызыклады, фикер-тәкъдимнәрен җиткерде. Тәкъдим ителгән проектларның барысын да хуплап, аның матди тәэмин ителешен ышандырды һәм агымдагы уку елын  мәгарифтә әхлакый тәрбия елы дип игълан итәргә дигән тәкъдимен җиткерде.

Мөнирә Арсланова.

Автор фотосы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: