Мөслим-информ

Таныш булыгыз! 

“Туган як” агрофирмасы уңганы Марсель Үтәгәнов  – танылган механизаторлар династиясенең бер вәкиле.

Гаилә башлыгы Кузьма – гомерен авыл хуҗалыгына багышлаган алдынгы тракторчы. Заманында корыч айгырның төрле маркадагасын иярләде, озак еллар К-700 тракторында эшләде. Уллары Евгений белән Марсель дә, әтиләре һөнәрен сайлап, хезмәт юлларын авыл хуҗалыгы тармагы белән бәйләде – икесе дә икмәк үстерә. 
Марсель иртә яздан кара көзгә кадәр – басуда. Язын К-744 тракторы белән чәчү өчен җир әзерли, урак башлангач, комбайнга утыра. Быел “Нью-Холланд” комбайнында 13 мең 836 центнер бөртек суктырды. Урып-җыю эшләре төгәлләнгәнче көзге чәчү өчен җир әзерләргә керешкән. Бүген Марсель Үтәгәнов киләсе ел уңышы өчен җир эшкәртү белән мәшгуль. Тыныч холыклы, карусыз егетне агрофирма җитәкчелеге, икеләнмичә, җаваплы участокларга билгели. Чөнки алар белә: яшь механизатор һәр эшне җиренә җиткереп, сыйфатлы итеп башкарачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: