Сарман аграр көллияте хәбәр итә

Сарман аграр көллиятенең Мөслим филиалында бүгенге көндә 169 студент исәпләнә. Аларның 55 е быел гына кабул ителгән. Филиалда тракторчы-машинист, эретеп ябыштыручы һәм пешекче-кондитер белгечлекләренә укыталар. Студентларга 9 педагог, 12 производствога өйрәтү мастеры белем һәм тәрбия бирә. Кичке түләүле укулар да оештырылган. Анда электр белән эретеп ябыштыручы һөнәрен үзләштерәләр. 18 кеше әлеге группаны тәмамлаган, 4 кешегә югары квалификация бирелгән. 1 октябрьдән эретеп ябыштыручы һәм тракторчы-машинист һөнәре буенча түләүле курсларга, һәм Б категориясенә укырга теләүчеләр өчен яңа төркем җыю башлана.