"Нәрсә, Кайда, Кайчан" уеннары башлана

"Нәрсә?", "Кайда?", "Кайчан?" интеллектуаль ярышларын яшьләр арасында уздыру традициягә әйләнеп бара. 11 март көнне "Мизгел" яшьләр үзәгендә 18.00 сәгатьтә беренче полуфинал уены узачак. Баланны авыл җирлеге, аграр көллият, мәктәптән тыш эшләр үзәге хезмәткәрләре үзара көч сынашачаклар. Катнашучыларга сораулар төрле өлкәдән биреләчәк, шулай ук видеосорау, "кара тартма"да ни барын ачыклау мөмкинлеге дә тудырылачак. Полуфиналда катнашып җиңгән командаларга кыйммәтле бүләкләр каралган. Беренче уенга тамашачыларны көтеп калабыз, керү ирекле, дип хәбәр итәләр оештыручылар.