Мөслим-информ

Мөслимлеләр кыр батырларын хөрмәтләде (ФОТОЛАР)

Бәхеткә, синоптикларның юраганы юш килде: Табигать-Ана, рәхим-шәфкатен күрсәтеп, Сабантуйга көннәр тәмам аязды. Ел буе көткән бәйрәмдә рәхәтләнеп күңел ачу форсаты туды. 

       Бар халыкны, җирлегебездә гомер итүче төрле милләт вәкилләрен, читтә яшәүче якташларыбызны, дусларны бер мәйданга җыйган бәйрәм быел да яңа төсмерләргә, күңелле мизгелләргә бай булды. 
       Сабантуйны зурлап, респбуликабыз шәһәрләреннән һәм чит төбәкләрдән дә бик күп кунаклар кайткан иде. Алар, районыбызда бер гаиләдәй дус һәм тату яшәүче татар, рус, керәшен, мари халыкларының сәламләвен кабул итеп, кунакчыл йортларында булганнан соң, мәйдан түренә уздылар. Башка еллардан аермалы буларак, үзешчәннәр белән бергә үзәк мәйданга районның мәгариф, медицина, мәдәният хезмәткәрләре хезмәт коллективларыннан вәкилләр, Сарман аграр көллиятендә белем алучы булачак пешекчеләр һәм игенчеләре дә чакырылды.
       Район башлыгы Рамил Муллин, бәйрәмне ачып, ихлас котлауларын җиткерде:
– Игенчеләребез, язгы кыр эшләрен кыска срокларда төгәлләп, илебезнең азык-төлек иминлеген тәэмин итүгә ышанычлы нигез салдылар. Соңгы елларда авыл хуҗалыгы тармагына зур инвестицияләр кертелүе куандыра. Районыбызны үстерүгә зур өлеш кертүче инвесторларыбызга олы рәхмәтебезне җиткерәбез. Шул ук вакытта, хөкүмәт программаларына кереп, җирлегебез инфраструктурасын яхшырту, халыкка яшәү өчен уңайлы мохит тудыру мөмкинлеге биргән республика җитәкчелегенә дә барлык мөслимлеләр исеменнән тирән рәхмәтебезне ирештерәбез.
       Сабантуй медицина хезмәткәрләренең һөнәри бәйрәме белән бер көнгә туры килде. 2018 ел Мөслимдә Сәламәтлек елы булуын да исәпкә алып, район башлыгы үзәк хастаханәсенә ике “Лада-Ларгус” машинасы бүләк итте. Татарстан Республикасы хөкүмәте һәм Президент исеменнән ТР Урман хуҗалыгы министры Равил Кузюров тәбрикләде. 
Сабантуйда элек-электән хезмәт кешесе хөрмәтләнгән. Быел да бертөркем хезмәт алдынгылары, хуҗалыкларның кыр батырлары бәйрәм сәхнәсенә чакырылды. Авыл хуҗалыгы тармагын үстерүдәге нәтиҗәле хезмәте өчен Зиннуров Ильяс Авзал улы “Фидакарь хезмәте өчен” медале белән бүләкләнде. 

       Җаваплылыгы чикләнгән “Агрофирма “Родные края – Туган як” җәмгыяте механизаторы Әхмәтвәлиев Рафит Әнвәр улы; җаваплылыгы чикләнгән “Август-Мөслим” җәмгыяте баш инженеры Шайгаянов Илдус Рәшит улы; җаваплылыгы чикләнгән “Намус” җәмгыяте баш инженеры Бәдертдинов Рафис Таһир улы; шәхси эшмәкәр Р. М. Әюпов крестьян-фермер хуҗалыгы механизаторы Тахауов Фәһим Фоат улы; шәхси эшмәкәр И.З. Исламов крестьян-фермер хуҗалыгы шоферы Нәгыймов Әбүзәр Әнвәр улы Татарстан Республикасы Авыл хуҗалыгы һәм азык-төлек министрлыгының Мактау грамотасына лаек булдылар.
Агросәнәгать комплексы системасында озак еллар куйган тырыш хезмәтләре, 2018 елгы язгы кыр эшләренә әзерләнүдә һәм үткәрүдә югары нәтиҗәләргә ирешкәннәре өчен җаваплыгы чикләнгән “Агрофирма “Родные края – Туган я” җәмгыяте шоферы Габдуллин Алмаз Харис улы; шәхси эшмәкәр И.З. Исламов крестьян-фермер хуҗалыгы механизаторы Тазов Альберт Геннадиевич; шәхси эшмәкәр И.З. Исламов крестьян-фермер хуҗалыгы механизаторы Вәлиев Руслан Илгизәр улы; шәхси эшмәкәр И.З. Исламов крестьян-фермер хуҗалыгы механизаторы Хәйбрахманов Салават Рәүфәт улы; шәхси эшмәкәр Н. Г. Авзалов крестьян-фермер хуҗалыгы механизаторы Ногманов Газинур Фәгыймулла улы; җаваплылыгы чикләнгән “Намус” җәмгыяте баш бухгалтеры Галимова Рушания Марс кызы; җаваплыгы чикләнгән “Август-Мөслим” җәмгыяте баш инженеры Нуретдинов Рамил Рафаэль улы; җаваплыгы чикләнгән “Август-Мөслим” җәмгыяте сыер савучысы Ризванова Әлфия Рәис кызы; җаваплыгы чикләнгән “Август-Мөслим” җәмгыяте терлекчесе Шәйхенуров Рамил Гандәлиф улы; шәхси эшмәкәр Р. М. Әюпов крестьян-фермер хуҗалыгы шоферы Гыймаев Фәнис Габделхәй улы; шәхси эшмәкәр Р. Г. Нуретдинов крестьян-фермер хуҗалыгы механизаторы Николаев Геннадей Валислович ???? – муниципаль район Башлыгының Мактау грамотасы һәм акчалата премия белән бүләкләнделәр.
       Елдагыча, Сабантуй алдыннан махсус комиссия, авыл хуҗалыгы формированиеләренең иген басуларын карап, урыннар билгеләде. Агрофирмалар арасында беренче урынга – “Туган як” агрофирмасы, эре крестьян-фермер хуҗалыклары арасында – “Исламов” хуҗалыгы, вак фермерлар арасында Рафис Шәмсиев фермер хуҗалыгы лаек булды.
       Авыл хужалыгы формированиеләренең язгы чәчү буенча хезмәт нәтиҗәләрен барлаганнан соң, үз хуҗалыкларында җиңү яулаган, яхшы күрсәткечләргә ирешкән, урыннарда кыр батыры булган механизаторлар мәйдан түренә чакырылды. Җаваплыгы чикләнгән “Агрофирма “Родные края – Туган як” җәмгыятеннән Сөләйманов Илнар Бәшир улы, Хуҗин Сирин Фиргать улы, Үтәганов Евгений Кузьмич; җаваплылыгы чикләнгән “Намус” җәмгыятеннән Кәримов Мөнәвир Сәгадәт улы, Солтанов Илсур Мөхәммәткамил улы, Сәйфуллин Илсур Госман улы; җаваплылыгы чикләнгән “Август-Мөслим” җәмгыятеннән Муллин Динар Муллаян улы, Муллашов Ленар Фәнгыйл улы, Гайнанов Ленар Марат улы; Садыйков Инзил Хәзрәтгали улы, Сәмигуллин Рафаэль Нәҗип улы; шәхси эшмәкәр И. З. Исламов крестьян-фермер хуҗалыгыннан Хәйруллин Фәнүс Зөфәр улы, Гыйзтдинов Фидаил Фәрит улы, Гыйзтдинов Фаил Фәрит улы; шәхси эшмәкәр Н. Г. Авзалов крестьян-фермер хуҗалыгыннан Сиваков Виталий Юрьевич; шәхси эшмәкәр Р. Г. Нуретдинов крестьян-фермер хуҗалыгыннан Петров Александр Маркелович; шәхси эшмәкәр Р.М. Әюпов крестьян-фермер хуҗалыгыннан Гыйләҗев Ризит Занур улы; Сарман аграр көллиятенең 1 нче санлы филиалыннан Миркасыймов Вәкил Миргарифан улы муниципаль район Башлыгының рәхмәт хаты һәм акчалата премия белән бүләкләнде.
       2018 елгы Сабантуйда районның кыр батыры исеменә “Август-Мөслим” агрофирмасы механизаторы Муллин Динар Муллаян улы лаек булды. Ул 2164 гектарда сыйфатлы чәчү үткәреп, 4678 эталон гектар (барлыгы 65 смена-норма) эш башкарган. Кыр батырына район башлыгының Рәхмәт хаты, акчалата премия һәм тәкә тапшырылды. 
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: