Мөслим-информ

Мөслимдә - "Тоннель "операциясе. Кемнәр тоткарланды?

Районда чираттагы “Тоннель” операциясе узды. Юл хәрәкәте иминлеге дәүләт инспекциясе хезмәткәрләре ике сәгать эчендә 9 шоферга административ беркетмә төзеде.

“Балаларын махсус креслодан башка йөрткән бер шофер, куркынычсызлык каешын эләктермәгән өчен ике райондашыбыз, иминият таныклыгы булмаган өч мөслимле, тизлекне арттырган ике машина йөртүче җаваплылыкка тартылды. Юл йөрү кагыйдәләрен санга сукмаучы шоферның берсе алкогольле эчемлек кулланган хәлдә иде”, – дип хәбәр итә районның ДАИ җитәкчесе Айнур Хәйретдинов. Юл йөрү кагыйдәләрен үтәмәүчеләрне, төрле административ хокук бозулар өчен штрафларын түләми йөрүче шоферларны ачыклау максатыннан мондый рейдлар алга таба да дәвам итәчәк. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: