Лицейда зур күләмле ремонт бара

Лицейда бүген ремонт эшләре бара. Районның капиталь төзелеш оешмасы эшчеләре көче белән биредә беренче һәм икенче кат, ашханә, актлар залы идәненә, коридорларга плиткә түшәлә. Узган елның ноябрь аенда башланып киткән ремонт инде ахырга якынлаша. Идәнгә плиткә җәю төгәлләнгәч, кул югычлар беркетелгән дивар да плиткә белән эшләнәчәк. Ашханәнең ике цех бүлмәсенең диварларына плиткәләр ябештерелеп бетте инде. Моннан тыш ремонт барышында лицейның икенче катка менү баскычларын да плиткә белән эшләү, баскыч култыксаларын алыштыру күздә тотыла. Актлар залында исә асылмалы армстронг түшәм ясалып, светодиодлы ычлар да куелачак. Ремонт өчен район 2,6 млн. сум акча бүленеп бирелгән.