Мөслим-информ

Казан баскетбол лигасы татар телен яклап чыккан

Лиганың 7 нче тур уеннары вакытында татар җырлары гына яңгыраячак.


("Татар-информ", Фәрит Салихов). "Үз тамырларыңны онытма!" КазБас: баскетбол һәм стритбол лигасының татар телен яклап игълан иткән акцияләренең шигаре шундый. Бу хакта акциянең оештыручылары лиганың социаль челтәрдәге рәсми төркемдә хәбәр итә.

"Үз тамырларыңны онытма! Татар телен яклау билгесе буларак, лигадагы 7 нче тур уеннары вакытында барлык музыка фәкать татар телендә яңгыраячак. Әйдә, уйныйбыз!" - диелә хәбәрдә.

Рәсми төркемдә моның өчен социаль челтәрдән кулланучылар шәрехләр рәвешендә үзләренә ошаган татар җырларын тәкъдим итә дә башлаган инде. Алар арасында "Туган як", "Эх, алмагачлары", "Мин сине яратам" һәм башка дистәләгән популяр җырлар бар.

КазБас лигасының 7 нче тур уеннары 2 һәм 3 декабрь көннәрендә "КАИ-Олимп" һәм "Акимбо" комплексларында уза.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: