Гөрләп үтте Питрау!

Питрау - керәшен халкының гасырлардан килгән милли мәдәниятен бөтен барлыгы, матурлыгы һәм төрлелеге белән күрсәтүче бәйрәм. Керәшеннәр электән килгән гореф-гадәтләрен, йолаларын саклап кала алган.

Бу көнне бөтен кеше рәхәтләнеп күңел ачты, төрле уеннарда катнашты. Керәшеннәрнең килеп чыгышы, аларның тарихы, иҗаты турында район мәдәният йорты хезмәткәрләре сөйләп, халыкны бәйрәмгә чакырып тордылар. Кызыклы да, мавыктыргыч та уеннарның очы-кырые булмады: җыелган халык үзләрен җитезлектә, тапкырлыкта, тизлектә сынады.

Питрау сабантуеның төп иганәчеләре Рафил Нуретдинов һәм Валерий Матросов булды. Аларга авыл халкы исменнән зур рәхмәтебезне җиткерәбез, эшләрендә уңышлар телибез. Бәйрәмне оештыруда булышлык күрсәткәннәре өчен Яңа Усы авылы халкына һәм В. Кононов, И. Харитонов, О. Демидов, Р. Демидов, Р. Әфләтунов, О. Игошев, Р. Пискунов, О. Алексеев, Р. Балтаев, М. Идиатуллинага, Альберт һәм Олег Николаевларга зур рәхмәтләрне әйтәбез. Күпләре инде озак еллар авылдан читтә яшәсәләр дә, туган якларын онытмыйлар, узган чараларда һәрдаим ярдәм итәләр. Шундый игелекле һәм ватанпәрвар уллар үстергән әти-әниләр белән чиксез горурланабыз. Киләчәктә дә балаларының игелекләрен күреп яшәргә язсын.

Яңа Усы авыл җирлеге Советы.