Быелгы 2015 ел бик уңышлы булмаса да игенчеләребез игеннәрне бик күп көч куеп җыеп алдылар

Мөслим - чиста авыл хуҗалыгы районы. Соңгы елларда фермерларыбыз яңгырдан соң калкып чыккан гөмбәләр кебек үсеп чыгалар. Дамир Шәңгәрәев, Лениза Ситдыйкова, Рәшит Сәхипгәрәев, Ирек Хәмәдишин, Разыйф Кәрамов, Ришат Сәйфуллин һ.б. бик күпләр кошчылык белән шөгыльләнәләр. Район халкына чеби, үрдәк, каз бәбкәләре сатып халык ихтыяҗын канәгатьләндерәләр. Фермерлар табыш алса, район бюджетын тулыландыралар.

Басу-кырларыбызда игенчеләребез тир түгеп эшлиләр. Иртә яздан туфрак эшкәртеп, ашламалар кертеп мул уңыш алу өчен тырышалар.

Быелгы 2015 ел бик уңышлы булмаса да игенчеләребез игеннәрне бик күп көч куеп җыеп алдылар. Табигатебез Мөслим районына гел яңгырлы көннәр генә китереп торды. Комбайнчылар Аллаһы Тәгаләдән аяз көннәр сорап, көч-куәт сорап ашлыкларны суктыруда зурдан-зур хезмәт куйдылар. "Нью-Холланд", "Лексион", "Кейс" комбайннарында эшләгән Наил Шәрипов, Илнар Сөләйманов, Сергей Фирстов, Илфат Әбраров, Ришат Харисов, Марат Рәхимуллин; "Полесье-1218", "Акрос", "ДОН-1500" комбайннарында иген суктырган Юрий Н.Кондратьев, Юрий И.Кондратьев, Андрей Кондратьев, Фәндәс Дәүләтов, Рифат Фазлыев һәм башка бик күп комбайнчылар игеннәрне тир түгеп үстерделәр.(Центнерларын а/х идарәсеннән сорагыз, төгәл булсын). Рәхмәт сезгә хөрмәтле терлекчеләребез, игенчеләребез, авыл хуҗалыгы белгечләре. Авыл хуҗалыгы идарәсе җитәкчесе Мисхәт Нәбивкә, инженеры Гүзәл Солтановка, баш зоотехнигы Илгиз Бәшәровка, баш агрономы Ринат , технадзор җитәкечесе Фәйрүс Минһаҗетдиновка да рәхмәтләр яусын, эшләрегез уң булсын, тормышыгыз матур, сәламәтлегегез нык булсын. Әмин.

Басуларыгызны чүп үләннәре басмасын! Үстергән игеннәребез амбарларда урын алсын, табыш китерсен. Әмин.

Флүрә Дәүләтшина,

хезмәт ветераны.

Мөслим.