Мөслим-информ

Бездә шундый хәлләр бар

Кечкенә генә Катмыш авылында ике кеше “Атказанган колхозчы” дигән мактаулы исем алды.

Фәнис Корбангалиев, 
Катмыш: 
– Безнең Катмыш авылы артык зур түгел, бүген 80 йорт исәпләнә. Колхозлар чорында 50-60 хуҗалык кына иде. Ул елларда авыл кешесе тырышып колхозда эшләде, үзе дә күпләп мал асрады. Яшерен-батырын түгел: малларга ризыкны күпме күтәрә алдык, шуның кадәр алып кайттык. Акчасы да чорына күрә начар түгел иде. Әткәй белән әнкәйнең пенсиясе 12-9 сум булганда минем хезмәт хакы 25-30 сум иде. Кечкенә генә Катмыш авылында ике кеше “Атказанган колхозчы” дигән мактаулы исем алды. Аларның берсе – Гайшә апа Латыйпова, икенчесе – бригадир Габделхак абый Мәҗитов. Бу мактаулы исемгә алар авыл хуҗалыгы тармагында озак еллар дәвамында намуслы, тырыш хезмәт кую бәрабәренә лаек булдылар. Хәтеремдә: Габделхак абый кемнеңдер көче җитмәсә, эшне җиңел генә үзе башкарып куя иде. 
Авылымның район күләмендә танылган бу хөрмәтле кешеләрен искә алучы булыр микән? Әллә шулай онытылырлар микән?

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: