Алимент буенча сорауларыгыз булса

Һәр дүшәмбе "Бердәм Россия" партиясенең җирле башкарма комитетында алимент түләмәүчеләр сорауларына кагылышлы очрашулар уза. «Бердәм Россия» сәяси партиясенең "Ныклы гаилә" проекты гаилә хокукларын яклый, традицион гаилә кыйммәтләрен пропагандалый. Аның чираттагысы видеоконференция режимында узды. Иҗтимагый советның Татарстан республикасындагы "Ныклы гаилә" партия проектын тормышка ашыру буенча үткән әлеге җыелышта сүз инвалид балаларга алимент түләмәүчеләр, алар белән эш алып бару турында булды.