8 яшьлек малай машина тәгәрмәче астында вафат булган
Ни кызганыч, ямьле җәй айлары балалар катнашындагы күңелсез вакыйгаларга бай була. Бу бигрәк тә укучыларның җәйге каникулда булулары белән бәйле. 16 июнь көнне иртәнге 8.00 сәгатьтә Актаныш-Мөслим-Кирово юлының 4 километрында 40 яшьлек "Лада Ларгус" машинасы шоферы 8 яшьлек җәяүленең өстенә менә.
Кайбер мәгълүматлар буенча, машина йөртүче рөхсәт ителгән тизлекне арттырган булса, 8 яшьлек малай тиеш түгел урында юлны аркылы чыккан. Нәтиҗәдә, алган тән җәрәхәтләреннән бала вакыйга урынында ук вафат булган. Юл хәрәкәте дәүләт инспекциясе, беренче чиратта, ата-аналарны балаларына карата игътибарлы булырга чакыра. Җәяүлеләр өчен махсус ясалган пешеходлардан тыш башка урыннарда юлны аркылу кисү күп очракта гадәттән тыш хәл белән төгәлләнә. Балалар һәм аларның ата-аналары бу хакыйкәтьне истән чыгармасын иде.
Безнең телеграм каналга кушылыгыз! Телеграм-канал
Следите за самым важным и интересным в Telegram-каналеТатмедиа
Нет комментариев