Хатирәләр, сагыш, сагыну. Җиңү көне якынайган көннәрдә шундый хисләр кичерәм мин. Менә тугызынчы ел ветераннар арасыннан тыйнак, төз гәүдәле әтиемне эзли күзләрем. Бу көнне, әтием исән вакытта, аның янәшәсендә атлау нинди зур бәхет булган! Бигрәкләр тыйнак булды шул ул. Укучыларым янына очрашуга килгәч тә сугыш турында сөйләргә яратмады. Ә бит сугыш вакытында күпме батырлыклар кылган ул.
