Реклама
Котлаулар
Котлыйбыз
Мөслим районы Метрәй авылында туып-үскән, ә бүгенге көндә Мөслим районы Елгабаш авылында гомер итүче әниебез Газизова Разияга 1 июль көнне 80 яшь тула.
Әниебез – үзенең 40 ел гомерен башлангыч сыйныф укучыларына белем бирүгә багышлаган кеше. Елгабаш башлангыч мәктәбендә һәм Яр Чаллы шәһәренең Мулланур Вахитов исемендәге 2нче татар гимназиясендә укытучы булып эшләде.
Әниебезгә тормыш юлында бик күп сынаулар үтәргә туры килә, әмма ул беркайчан да сыгылып төшми, бирешми. Аллаһы Тәгалә биргән гомерне әниебез көчле рухлы, әтиебез белән пар канатлар булып, безнең өчен ныклы терәк, зирәк киңәшче, ярдәмче һәм үрнәк әни, үрнәк дәү әни булып гомер юлын дәвам итә.
Юбилеең котлы булсын, әни,
Шатлыклар да килсен өелеп.
Куанычлар гына юлдаш булсын,
Бәхетләргә яшә күмелеп.
Без телибез сиңа тик бәхетләр,
Күтәренке булсын күңелең,
Гөрләп яшә, картаюны белми,
Бәрәкәттә үтсен гомерең.
Әниебезгә ныклы сәламәтлек, күңел тынычлыгы, гаилә тигезлеге, көч-куәт, дәрт-дәрман, шатлык-куанычларга мул һәм бәрәкәтле тормыш телибез.
Иң изге теләкләр белән әтиебез Котдус, балаларың Рушания, Нурания һәм Гөлүс, килен-кияүләрең һәм оныкларың.
Нет комментариев