Реклама
Котлаулар
Котлыйбыз!
29 сентябрь көнне Мөслимдә яшәүче Гыйльметдинова Фәнисә Сөләйман кызының туган көне – 75 яшьлек юбилее!
Кадерле тормыш иптәшем, сөекле әниебез, яраткан әбиебез! Сине юбилеең белән чын күңелдән котлыйбыз. Син бөтен гомереңне балаларга белем һәм тәрбия бирүгә багышладың, хөкүмәтебез бүләкләренә лаек булдың.
Сиңа булган теләкләребезнең ихлас икәнлеген , рәхмәтләребезнең никадәр чиксезлеген нинди сүзләр белән әйтсәк тә аз тоелыр кебек. Без – балаларыңа, гомер биреп, әтиебез белән ныклы тәрбия биргәнегез, тормышта үз урыныбызны табарга ярдәм иткәнегез өчен Сезгә зур рәхмәтлебез!
Безнең йөрәк түреннән чыккан изге теләкләребезне фәрештәләр хуплап торсыннар. Күңелең һәрчак шулай көр, җаның тыныч булсын. Әтиебез белән тигезлектә тагын бик күп еллар яшәргә, якты таңнарны каршыларга, туган йортның нурын сүндермичә, балаларыгызның, оныкларыгызның игелекләрен күреп, сөенеп-шатланып яшәргә язсын.
Иң изге теләкләр белән тормыш иптәшең Рафис, балаларың Илдар- Гөлшат, Илшат- Лилия, Илгиз-Гөлназ һәм оныкларың. Бу теләкләргә барлык туганнар, кода- кодагыйлар кушыла.
Нет комментариев